Qabuurihii Taly aaniga ee ku yaalay deegaanka SOS oo maa nta dibadda loo soo saa ray

Jan,19.2005 Radio Free Somali (RFS)

Boqolaal oo qabuurihii Talyaaniga ee ku yaalay deegaanka SOS ayey dibadda u soo saareen qaar ka mid ah maleeshiyooyinka Maxkamadaha ka jira magaalada Muqdisho

Qabuurahan oo ku yiilay dhabarka dambe ee tuulada Carruurta SOS ayaa waxa ay ahaayeen qabuura ay laheyd dowladda Talyaaniga oo halkaas ku yaalay in ka badan Kontan Sanno.

Qaar ka mid ah dadka deegaankaas ayaa sheegay in Maxkamaduhu ay soo dul dageen xalay waxa ayna sheegeen in ciidamada maxkamadaha ay ku wargaliyeen in aaney jirin wax dhibaato islamarkaana ay degaanaansho muujiyaan.

Ciidamada Maxkamadaha ayaa isla xalay waxa ay bilaabeen in ay burburiyaan qabuurahaas iyagoo soo faagay wixii ku jiray ee meydadkaas ahaa.

Qabuurahaas ayaa waxaa ka muuqday burbur aad u weyn iyadoo maleeshiyooyinka ka amara qaata ay diideen in HornAfrik ay gudaha u gasho qabuuraha, waxa ayna ka gaabsadeen in ay ka warbixiyaan wax halkaas ka jira.

Dhinaca kale, deegaanka garoonka diyaaradaha ee magaalada Muqdisho ayaa xalay waxaa lagu soo shubay in ka badan Konton Madax sida ay sheegayaan dadka deegaanka.

Dadka deegaanka ayaa waxa ay ka cabanayaan in caafimaad daro ay ka soo gaarto lafahaas lagu soo shubay.

dhanka kale dad ayaa bilaabay iney lafahaas maryo ku ururiyaan , waxayna yiraahdeen waxaa laga yaaba in dadkoodii ay soo doontaan, DNA lagu raadin karo lafahaa dadkii lahaa.

webmaster@radiofreesomalia.com