Dahir Riyaale- la mood noqonse waa!

( Hassan Warankulule)

Aug,20.2004 Radio Free Somali (RFS)

Waxaa la filayay in madaxweyne Riyaale intaan dhaamo oo sidan ka fiican yahay. Inkastoo uu aad uga fiican yahay gacan ku dhiiglayaashii SNM hadana ma gaarin hogaamiye fiican oo effective ah. Waa ka muuqataa inuu qibrad ka helay la shaqayntii dawladdii qarankii Soomaaliyeed ee duntay. Dadka waxay isweydiinayaan maxaa Riyaale aamusiyay oo ka dhigay in uu ku tiirsanaado af hayeen. ma waxaa la tagay tababarkii hore ee ahaa NSS kaasoo ahaa sir ilaalin ama wax qarin ama siday ka noqotay. SSDF iyo SNM waxa ay isaga mid ahaayeen qabiil adeegsiga iyo ardayda, reer miyiga oo ay duufsadeen. SNM ayadaa casuumaad u dirtay dawladdii oo car carisay oo sababtay in dawladdu ayadoo sharciga caalamiga ee ciribtirka insurgents isticmaalaysa kula dagaasho magaalooyinka dhexdooda. SNM waxay ogayd in aanay ku aadi karin dawladda ee waxay gadaal ka mareen haweenka iyo caruurta.

SNM waxaa ay u maleeyaan shacbiga isaaq ee masaakiinta ah ay aamini doonaan in dawladdu iska maagtay ayadoon la taataaban balse shacbigaas masaakiinta ah oo u dhintay ama u qaxay ama u naafoobay sababta SNM waa ogyihiin. SNM waa inay ogaataa in la soo gaaray in shacbigaas aanan la qaldi karin ee ayaga iyo dawladdiiba si wada jir ah denbi uga galeeninkastoo sababta halaagga SNM keentay. Waxaa la soo gaaray xilligii ay dhamaan lahay sheegashada mujaahidnimo ee SNM ee ay shacbiga waydiisan lahaayeen wixii ay badeen. Wax alle wixii soo garay shacbigaas masaakiin ah waxaa ay dusha ka saaran tahay kuwii dagaalka ku bilaamay waa SNM. Goor ay ahaatoba waa la arki doonaa shacbiga la siray oo maxkad soo saara haraadigii SNM.

Riyaale waxaa laga filayay:

1) inuu haraadigii SNM maxkamad soo taago shacbiga ama ha cafiyo ama halaga jaro wixii ay umadda u soo jiideen.

2) Inuu inkiro inuu dad soomaali ah reer koofureed (hawiye) uu Hargaysa ka tarxiilay mana yeelin

3) Inuu inkiro inuu Soomaali u dhiibay sanaawi ama amxaaro mana yeelin

Riyaalow shacbiga Soomaalida waa walaalo mana kala maarmayo ee waxa laguugu eedeynayo kala cadee haddii kale af hayeen ku tiirsanow . Arrinkan ha sahlanin waayo taariikhda ayuu kuu gelayaa.

Riyaalow baaritaan kuma samayn waxa helay baarlamaankaaga. Waxaa jira qof qayaano wada oo ah xildhibaan kaasoo dhiiyacab qaran dumiye jabhadaha aabahood cabdulahi yusuf la shaqeeya kaasoo siray baarlamankaaga.waxaa la isla dhexwadaa inuu qaad u qaaday oo markay marqaameen kawada saxiixay in xuduuda puntaland iyo somaliland la xiro oo ciidamo lagu dayro. Arrintaan ma ahayn gef yar ee waa wax dawladaha isku casilaan waa in aad kala dirtaa baarlamaankaaga waayo waxaa laga waayey qof yiraahda arrintan ma soconayso oo dawlad aan qawl lahayn ayay noqonaysaa. Hadda baarlamaanka xaggee istaagayaa dunida waxay taqaanaa marka baarlamaan wax saxiixo inla dhaqan geliyo ama marka hore laga fiirsado. anigoo hal qof ah ayaa ka xishoonayaa in aan iraahdo xuduud labo qabiil ah oo soomaali ah ha la xiro ka waran baarlamaan dhan! adduunka waxaa uu sugayay in aad ka dhabaysaan xuduud xiridda ee maxaa helay go'aankii baarlamaanka?

Madaxweyne kala dir baarlamaankaaga ama waa in aad u bilowdaa macnaha xildhibaanimo legislative101. Qalad aan laga soo noqon karin lana sixi karin waa dawlad aan qawl lahayn.

Madaxweyne Riyaalow hal waan kugu hambal yay nayaa waa in aad sida cabdulqaasim oo kale aad iska ilaaliso daadinta dhiig soomaali laakiin baarlamaankaaga qaadka ka ilaali haddii kale waxay noqonayaan wax lagu maadsado. wararka qaar ayaa sheegaya in hadalka xudduda hala xiro uu ka yimid Mr. Qaybe ee maxaa kajira?

Marka la ogaado qofkii uu ka yimid hadalkii ahaa xuduuda hala xiro waa in maxkamad la soo taagaa ama uu iscasilaa ama la cayriyaa waayo uma baahnid qof sidaas u xigmad yar.

Madaxweyne Riyaalow waxaan kuugula dardaarmayaa in aad ilaaliso soomaalinimada waayo adduunku waa isbedelyaa dadkuna ma kala maarmo. Waxaa kale oo aad ka gaabisay in aad u hadasho dadkii Soomaaliyeed eelaga badan yahay ee ku nool koofurta Soomaaliya waayo waxay u darsadeen dawladdii Siyad Barre ama dawladdii Soomaaliyeed waayo wax difaaco maleh. Waxaan ka hadlayaa xamar iyo koofur reer xamarkii, digil iyo mirifkii jareer weyn iyo kuwa aan hubaysneen. Yaad ku ogtahay dadkaas ?

Waa la gumaystaa, ladhacaa, la dilaa gabdhahoodana la fara xumeeyee marka haddii ilaahay nabad ku siiyay iyo dawladnimo maxaa kuu diiday inaad u hadasho ama difaacdi intii karaankaaga ah.

Hassan Warankulule

warankulule@yahii.com