Dadka Soomaaliyeed ee 14-ka Sanno Fowdada ku soo jiray oo ay adagtahay in la
baro Nidaam Dawladnimo marka Shirka Kenya lagu soo dhiso Dawlad Soomaaliyeed.

Aug.2004 Radio Free Somali (Muqdisho)

Iyadoo la filayo in Dawlad Soomaaliyeed ay ka soo baxdo Shirka Soomaalida uga socda Kenya ayaa waxaa soo muuqanaysa inay wali Dadka u hamuun qabaan ku sii dhex jiritaanka Fawdada iyo Nidaam la’aanta 14 Sanno jirsatay.

Dadka Soomaaliyeed oo 14 Sanno ku soo dhex jiray Nidaam Fawdo ah oo Sharciga iyo kala dambayn aan lahayn ayaa waxaa adag in dib loo baro Shuruucda looga dhaqmo Dal Nidaam iyo Dawladnimo ay ka jirto. Waxaana Maalmihii ugu dambeeyay ay Dadku iswaydiinayeen Sida Bulshaddan ku jahwareertay Fowdada ay ula qabsan karaan Dawlad lagu soo dhiso Kenya.

Waddooyinka Magaalooyinka Waawayn ee Somalia sida Muqdisho waxaa ka jira Nidaam Xumo tii ugu darnayd. Waxaana Maalin kasta ka dhaca illaa iyo Boqol Shilal Baabuur ah. Iyadoo aysan jirin Taraafiko kala nidaamisa Gawaaridda.

Isgoysyadda Qaarkood waxaa taagan Taraafiko labisan dharkii lagu yaqaanay oo iskood isku xilqaamay. Laakiin waxaa xaqiiqo in Dhagaha Wadayaasha Gawaariddu aysan u furnayn Dhawaqa Seeriga Taraafikadda. Iyadoo mararka qaarkood ay Darawaliintu ugu hanjabaan Taraafikadda inay dilayaan. Kadib marka ay dhibsadaan Seerigiisa Digniinta ah.

Mid ka mida Taraafikadda ka hawl gasha Isgoysyska Baar Ubax oo ka mida Isgoysyadda muddooyinkan caanka ka noqday Muqdisho ayaa sheegay in Boqolkiiba Toddobaatan Wadayaasha Gawaaridda aysan Khibrad Darawalnimo lahayn. Wuxuuna sheegay inaysan xittaa fahamsanayn Tilmaamaha ay bixinayaan

Taraafikaddu. Dawladda Soomaaliyeed ee lagu soo dhisayo Kenya ayaa waxaa hortaala Caqabad

adag oo ay lagama maarmaan tahay inay diyaariso Nidaam Cilmiyaysan oo Bulshadda looga korin karo Fowdada iyo Nidaam la’aanta ay 14-ka sanno ku soo
dhex jireen. Iyadoo dhibaatadda ugu wayn ay tahay Dadka Daaraha dhaadheer ka dhistay Dhulalkii ay Dawladdu lahayd iyo kuwii Adeega Bulshadda.

Cabdi Casiis M. Guuleed “Afrika”
abdiguuleed@yahoo.com
Mogadishu, Somalia.

Webmaster@radiorfreesmalia.com