|
|
|
     |
|
|
Wasiirka Gaashaandhigga” howlgallada hadda ayeey sii xoogeysanayaan” January 21, 2012 (Radfiofreesomalia.com) - Wasaaradda Gaashaandhigga Xukuumadda Soomaaliya ayaa mar kale ku celisay in aysan joogsan doonin howlgallada Al-Shabaab iyo Al-Qaacidda looga sifeynayo guud ahaan Soomaaliya. Ra’iisul wasaare ku xigeen ahna wasiirka Gaashaandhigga Xukuumadda KMG Soomaaliya mudane Xuseen Carab Ciise oo isaga oo ku sugan dalka Mareykanka la hadlay Radio Muqdisho ayaa sheegay in aysan marnaba joogsan doonin howlgallada Soomaaliya looga xoreenayo Al-Shabaab iyo Al-Qaacidda, isagoo tibaaxay in hadda ay sii xogeysanayaan howlgalladaasi. Waxa uu farta ku fiiqay wasiirka Gaashaandhigga in guullo laga gaaray dhammaan howlgalladii ay fuliyeen ciidammada Xoogga iyo guud ahaan ciidammada qalabka sida, isla markaana Al-Shabaab gabi ahaanba laga xoreeyay Caasimadda Muqdisho. Mudane Xuseen Carab Ciise ayaa tilmaamay in Istaraatiijiyad ay ugu tala galeen dagaalka ka dhanka ah Shabaab iyo Ajaanibtooda, waxa uu intaa ku daray in sanadkan uu yahay sanadkii xornimada Soomaaliya, maadaama guusha ay in yar ka hartay. Wasiirka Gaashaandhigga Soomaaliya ayaa sheegay in howlgal uu ka socda dhammaan gobollada ay haraadiga ku yihiin Al-Shabaab iyo kuwa ay ku dhuumaaleysanaya ee Horjooggayaasha ah iyo Ajaanibta dalkeena ku soo dhuushay. Ugu danbeyntii ayuu carabka ku dhuftay in uu shacabka Soomaaliyeed ee ku nool dalka iyo dibeddiisa uu ugu Bishaareynayo guullaha isdaba joogga ah ee ay ciidammada Xoogga ka soo hoyeen dalka. Radiofreeomalia.com - Muqdisho
|
|
WARKII
MAANTA 
