|
|
|
     |
|
|
Casho Sharaf Lagu Maamuusayey Sanad Guuaradii Saddexaad ee Madaxweynaha Oo Xalay Muqdisho Lagu Qabtay
February 1, 2012 (Radfiofreesomalia.com) - Xaflad Casho Sharaf ahayd oo lagu maamuusayay sanad guuradii Saddexaad ee ka soo wareegatay markii xilka loo doortay madaxweynaha Jamhuuriyadda Soomaaliya isla markaana ay ka soo qeyb galeen masuuliiinta dowladda iyo qeybaha Bulshada ayaa xalay ka dhacday xarunta madaxtooyada qaranka Soomaaliya ee magaalada Muqdisho. Munaasabadda lagu maamuusayay markii xilka madaxweynaha loo doortay madaxweynaha Jamhuuriyadda Soomaaliya mudane Sheekh Shariif Sheekh Axmed ayaa waxaa ka soo qeyb galay guddoomiyaha Baarlamaanka Shariif Xasan Sheekh Aadan, ku simaha Ra’iisul wasaaraha ahna Ra’iisul wasaare ku xigeen iyo wasiirka Difaaca Xuseen Carab Ciise, xubno kale oo ka tirsan golaha wasiirrada, Xildhibaanno AHSWJ, iyo qeybaha Bulshada. Ugu horeyn waxaa munaasabadda casho sharafta ka hadlay ku simaha Ra’iisul wasaaraha ahna wasiirka Gaashaandhigga mudane Xuseen Caran Ciise waxa uuna tilmaamay in saddexdii sano ee la soo dhaafay ay ciidammada Xoogga dalka ka sameeyeen hormar la taaban karo, isla markaana ay sii wadayaan dadaalka ku aadan sidii dalka looga xoreen lahaa Al-Qaacidda iyo Al-Shabaab. Sidoo kale waxaa munaasadda haddal ka jeediyay guddoomiyaha Baarlamaanka mudane Shariif Xasan Sheekh Aadan waxa uuna dalka u rajeeyay in uu Alle dhibaatada ka saaro isla markaana la sii hiigsado hormar baaxad leh ee hadda la sameeyay. Ugu danbeyntii waxaa haddalka soo gabagabeeyay madaxweynaha Jamhuuriyadda Soomaaliya mudane Sheekh Shariif Sheekh Axmed, waxa uuna u hambalyeeyay ummada Soomaaliyeed meel kastoo ay joogaan, isagoo intaa raaciyay in muddadii saddexda sano ee ay dowladda jirtay in ay u qabsameen wax badan, laakin weli aysan gaarin meeshii ay doonayeen. Madaxweyne shariif ayaa shacabka Soomaaliyeed ku ammaanay sida ay u garab istaageen dowladda iyo howlgalka ay dalka ka wadaan ciidammada Qalabka Sida ee Soomaalilya, waxa uu intaa raaciyay in ay sii wadi doonaan dadaalka ay ugu jiraan in Soomaaliya loo soo celiyo Sharaftii iyo karaamadii ay caalamka u lahayd.
Radiofreeomalia.com - Muqdisho
|
|
WARKII
MAANTA 
