Shabakada Dayniile.com Iyo Aqoon la'aanta Saxaafada ka heysata.

Feb, 23.2005 Radio Free Somalia (RFS)

Horta marka hore, akhristaha waxaa rabaa inaan in yar la kaashado inuu ila fahmo waxa lagu qeexay qofka suxufiga ah. Mar la weydiiyey professor Jaamacada Columbia University qeybta saxaafada wax ka dhiga inuu qeexo su'aasha ah waa maxay suxufi. wuxuu ku jawaabay "Journalists are the people

entrusted with defining reality". Suxufiyiintu waa shakhsiyaadka sida runta ah u qeexa xaqiiqda. iyadoo sidan iyo siyaalo farabadan oo la mid ah loo fasilay suxufiga ama weriyaha shaqadiisa, ayaad waxaad moodaa shabakada Dayniile.com iyo kuwa badani inay moodeen in saxaafadu tahay waxa loogu yeero "Choas and biased coverage" War xun oo caadifadaysan.

Waxaa jirta shabakado badan oo si aad u xag jira meel xun kaga dhaca, Soomaalinimada, Qaar kuwaas ka mid ah ayaa had iyo jeer ka shaqeeya kala go'a dalka iyo dibidaabyeynta Umada Soomaliyeed. Intii Aalada Technolojiyadu ku soo badatay Qaarada Madow, waxaa jirta in dad badani ka faa'ideysteen.
Maalin la weydiiyey Suxufi u shaqeeya laamaha wararka ugu waaweyn ee Cariga Maraykanka sida ay AALADA internetku u caawisay saxaafada iyo gudbinta wararka waxaa uu ku jawaabay "Much more easily, cheaply, and safely than ever before, we have the ability to export and share these precious freedoms
via web-based journalism". aad ayey noogu sahashay oo sid aad u rakhiisan baanu wararkayaga ugu gudbisanaa aalada internetka iyo websiteka. iyadoo taasi jirto, shabakadaha Soomalidu waa ka faa'ideysteen. Laakiin intooda badan waxaa ay u isticmaaleen si qabyaaladaysan, caadifadaysan ama burburin soomalinimo ku jirto. Websiteka Dayniile.com, waa website aad iyo aad Warar aan run sal iyo raadtoona kulaheyn soo dhiga. Waa website
Qabyaalada taala mogadishu Kobciya, waana aalada ugu beenta badan inta aalad soomali jirto.

Waxaan saas u leeyahay, Dayniile.com waxaa jirta in had iyo jeer wararka burburka iyo kala shakiga umada ku dhaliya inay gudbiso, in Qabyaalada si qaawan ugu shaqeysato. hadii aan taas cadeeyo waxaa jirta in Maanta wararkii ugu danbeeyey ee February 20th, 2005,ay yihiin kuwo wada been ah, oo ciyaal
aan aqoon u lahayn saxaafadu qoreen. (Wararkan maanta ay qoreen waxaa si qaawan loogu aflagaadeynayaa Raisal wasaare Cali Mohamed Geedi iyo dawlada,

waana war been ah). Mararka qaarkood ayaan is iraahaa, hade wiilashu dawlad ma rabaane waxay raadinayaa wax kalle.

Inamada Qaarkood wax ku qoraan, ayaa la iixaqiijiyey in Isbaarooyin ay ku leeyihiin agagaarka Magaalada Muqdishu. si kastaba ha noqoteen, waxaan walaalayaashay kula talin lahaa inay qaataan fikir wanaagsan iyo aqoon suuban oo ku saabsan saxaafada.dhalinyarada wax ku qorta meesha waxaa laga yaabaa in aqoontoodu aad u yartahay ama aysan waxbarasho dugsi hoose dhaafin, oo ay kaliya yaqaanaan sida afka soomaaliga loo qoro. Iyadoo taasi jirto waxaan kula talin lahaa in wiilasha dayniile.com wax ku qora, loo sheego kheyraadka iyo aqoonta ay u
baahanyihiin oo ku salaysan sida wax loo qoro ama loo daabaco iyo waxbarashada ay u baahan yihiin.

Ugu danbeyntii waxaa idaacada Qaranradio ay dhamaan suxufiyiinta soomaliyeed ku baraarujinaysaa in la ilaasho qawaaniinta iyo akhlaaqda (ethics) u degsan saxaafada iyo werinimada.

In laga fogaado waxa lidka ku ah dawladeena yar ee inoo soo kobocday.(hadii kalle saxaafadi ma ka shaqeyn karto meel aan maamul ka jirin).

In saxaafada si run iyo daacadi ku jirto loo gudbiyo.In saxaafada Soomaalidu Midoodo, oo ay iska kaashato dhinacyada akhlaaqda, tababarada, & wadashaqeynta.

Wa bilaahi Tawfiiq.

mohidin@hotmail.com

"mohidin moallim"