|
|
|
     |
|
|
R/wasaare C/weli Oo Kulamo La Qaatay Madaxweynaha Iyo R/wasaaraha Jabuuti
JANUARY 12, 2012 (Radfiofreesomalia.com) - R/wasaaraha dalka Dr. C/weli Maxamed Cali ‘Gaas’ oo booqasho ku jooga dalka Jamhuuriyadda Jabuuti ayaa maanta kulamo kala duwan la qaatay Madaxweynaha iyo R/wasaaraha dalkaasi. Iyadoo maalintii shalay wafdi uu hoggaaminayo R/wasaare C/weli uu shalay gaaray magaalada Jabuuti isla markaana si diirran halkaasi loogu soo dhaweeyay ayaa R/wasaarahu waxa uu gelintii hore ee maanta xafiiskiisa kula kulmay R/wasaaraha Jabuuti Dilleta Maxamed Delleyta. Labada R/wasaare ayaa ka wada hadly arimo ay ka mid ahaayeen xoojinta xiriirka Labada dal iyo sidii dowladda Jabuuti ay u sii kordhin laheyd taageerada ay siiso shacabka iyo dowladda Soomaaliya. Isla gelinkii dambe ee maanta R/wasaare C/weli waxa uu kulan la qaatay Madaxweynaha jamhuuriyadda Jabuuti Ismaaciil Cumar Geelle iyagoo ka wadahadlay xaaladda dalka Soomaaliya iyo sidii Jabuuti ay u sii dardargelin laheyn kaalinta ay ku leedahay taageerada shacabka iyo dowladda Soomaaliyeed. Dowladda Jabuuti ayaa ka mid ah wadamada ciidamada nabad ilaalinta ah u soo diray dalka, iyadoo booqashada R/wasaaraha uu ku joogo Jabuuti ay ka dambeeysay marti qaad rasmi ah oo uu ka helay dhiggiisa Jabuuti.
Radiofreeomalia.com - Muqdisho
|
|
WARKII
MAANTA 
