Muuqaalo Ka mid ah Muqdisho

Muuqaalka Muqdisho (Qebta 6aad)

Muuqaalkaan waxaan ku soo qaadaneynaa maanta Dhqdhaqaaqa Ganacsi ee ka jiramagaalada Muqdisho oo soo bolowdey tan iyo intii la riday Taliskii ka jiray Somaliya.

Waxaa si tartiib tartiib ah jawiga uga baxay ganacsatadii caanka ka aheyd Somaliya tan iyo intii la qaatey xorriyadda sanadkii 1960kii iyagoo u arkey in dalka aaney ka dhalan dowlad dhexe oo loo dhan yahay keddib markii la riday dowladdii Maxamed Siyaad Barre, taasina waxaa la xiriiray iney dhashaanganacsato yaryar oo aan la garaneynin halka laga taakuleeyo oo ay dhaqaalaha ka helaan, in kasta oo uu jiro tohon ah iney heleen bililiqo waxna ay boobeen, keddibna ay isu beddeleen ganacsato.

Arrintu si kastaba ha ahaatee, waxaa muqdisho ka bilowdey ganacsi nooc kasta ah , waxaana suuqyada lagu arkey badeeco aan hore weligeed Somaliya la keenin, ayna dhici jirtay in uu badeecadaas wax ka mid ah reerkiisa u keeno qofkii hela safar dibedda ah oo kaliya.

Nooc kasta oo ganacsi in kastoo maanta dalka laga helaa wax canshuur ahna laga qaadin haddana aad ayuu qaal u yahay, maadaama aysan jirin dowlad sicirka u goysa , ganacsatadana ay u badan yihiin kuwo damiir laawayaal ah oo aan ilaah ka cabsaneyn.

Waxaa furmay Suuqyo badan oo ay ugu waaweyn yihiin Suuqa Bakaaraha iyo Suuq Bacaad oo markii aad tagtid aad ku arkeysid badeeco fara badan oo nooc walba leh.

Markii aad marto waddada Howlwadaag ee hor marta dhismihii loo yaqiin Olypic waxaa kuu muuqanaya carwooyin fara badan oo safan waddada labadeeda dhinac oo lagu gado qalab ay ka mid yihiin Mobillada noocii ugudambeeyay, Saxamanka TV-ga, Matoorro, Electronics, qalabka Cumputerka IWM ,

Sarrifka lacagaha ayaad arkeysaa inuu meel kasta bilqan yahay iyadoo la sarrifaayo lacagaha qalaad sida Dollarka Mareykanka, Euraha Yurub, Giniga Istarlinka,Riyaalka Sucudiga, Derhamka, Diinaarka Shillin Kenyatiga, Birta Itoobiyaanka Frankiga Jibuti,iyo noocyo kale.

Inkasta oo uu ganacsi la yaable ka jiro Muqdisho, haddana ma wada aha ganacsi nadiif ah waayo ganacsatada qaarkood waxaa lagu eedeynayaa iney dalka keeneen lacag Shilin Somali ah oo been abuur ah, taasoo ay ku gateen dhulal keddibna ay daaro waaweyn ka dhisteen ayna ku bilaabeen howlo ganacsi iyadooay dhacdo iney u tagaan dadka iska leh guryaha ku dhowdhow suuqyada keddibna ay u sheegaan lacag aad u badan oo uu dafayo qofkii iska lahaa dhulka.

Ganacsatada qaarkood waxay gaareen heer ay u safraan dalalka daawooyinka sameeya sida dalal ku yaal qaaradda Asia keddibna ay ka codsadaan iney u sameeyaan daawo aaney buuxin ama ay dhameystirneyn walxaha kiimikaad oo ay ka sameysan tahay , dabadeedna ay dalka keenaan daawadaas dadweynaha ay ka gadaan maadaama aysan jirin hey'ad ku shaqo leh baarista daawooyinka dalka soo gala, sidaasna ay ku noqdaan ganacsato waaweyn , kuwaas waxaa la mid ah kuwo dalka keena raashinka dhacay IWM oo iyagana sidaas ku lacagaystay,

Waxaad Muqdisho ku arkee gawaaridii ugu dambeysay ee uu farsameeyo Japan-kaoo ay wataan dad aan ehel u aheyn oo dadka qaarkii ku sheegayaan in qofka wata gaarigaas uu mar dhaweyd ahaa mooryaan dadka laaya !

La soco talaadada dambe.

Aweis Husein Shiino Muqdisho (RFS)

nabiil19@yahoo.com