|
|
|
     |
|
|
Guddiga Dib U Heshiisiinta Qaranka Oo Qorsheeynaya Dhexdhexaadinta Beelaha Colaaddu U Dhaxeeyso February 1, 2012 (Radfiofreesomalia.com) - Guddiga dibu heshiisiinta qaranka ayaa sheegay in ay xubno ka tirsan guddigaasi u diri doonaan gobollada dalka si ay u dhex dhexaadiyaan beelaha colaaduhu u dhexeeyaan, dhanka kale waxa ay walaac ka muujiyeen khilaafka baarlamaanka. Guddoomiyaha guddiga dib u heshiisiinta qaranka mudane Ismaaciil Macalin Muuse oo shir jaraa’iid ku qabtay xafiiskiisa kadib kulan ay yeesheen xubnaha guddigaasi ayaa sheegay in xubno ka tirsan guddiga ay u diridoonaan qeybo gobollada ka mid ah gobollada dalka si ay u soo dhameeyaan colaadaha u dhaxeeya jufooyinka ku nool gobolladaasi. Sidoo kale guddoomiyihu waxa uu intaa ku daray in guddigu uu dardar grlinayo howlaha dib u heshiisiinta dalka inta lagu guda jiro waqtiga kala guurka ah, isagoo ka hadlay qiimaha nabadda iyo sida guddigu ugu diyaarsanyahay gudashada howlaha dib u heshiisiinta ah ee loo igmaday. Ismaaciil Macalin Muuse ayaa muujiyay sida uu uga xunyahay khilaafka hareeyay baarlamanka isagoo ku baaqay in ay dhameeyaan khilaafka dhexdooda ah isla markaana ay shirarkooda qabsadaan iyagoo mideeysan. Sidoo kale guddigu waxa uu ku baaqay in wadahadal lagu dhameeyo colaadda ka Oogan deegaanka Buuhoodle ee gobolka Togdheer, isagoo xusay in guddigu uu gacan weyn ka geeysan doono sidii loo dhameyn lahaa colaaddaasi. Arintani ayaa qeyb ka ah dadaalka aan kala go’a laheyn ee guddigaasi ugu jiro dib u heshiisiinta beelaha Soomaaliyeed ee ku nool gobollada kala duwan ee dalka. Radiofreeomalia.com - Muqdisho
|
|
WARKII
MAANTA 
