Xuseen Caydiid – la mood noqonse waa!

Xuseen Caydiid oo ah ninka ugu da’da yar dagaal oogayaasha soomaaliya sida aabihii ama kuwa kale ma ahayn nin ay gaajo u gaysay ama jahli ama waayey m
eel uu adduunka ka aado ee waa nin la bedelay . Odayaal ay isku qabiil yihiin oo ka waaya aragsanaa kana da weynaa ayaa markii aabihii la dilay shirq
ool u dhigay oo madax u geliyay wax uu weligii ka shalayn doono. (qabiil u dirir iyo dhiig islaam). Xuseen waxaa uu haystay fursad aanay dagaal oogayaasha kale haysanin. Waxaa uu deganaa dalka maraykanka waxna ka bartaykana shaqaysan jiray waxaana uu xamar ku laabtay markii aabihii uu madax ka ahaa USC . Odayaasha waxa ay u sheegeen lama oga laakiin waxay u badan tahay in ay yiraahdeen sidii aabahaa noqo oo dhul qabso, dad dil, hanti boob asagana waa ka yeelay.

Xuseen Caydiid talooyinka dhaafay waa sidan:

1) Inuu ka naxo aabihii oo ka waaniyo dhiiga soomaalida ee uu ku waashay ilaa laga dilo. Waxay ahayd inuu aabihiis u nasteexeeyo waayo meesha uu
aabihii isku waalayay waaa xamar oo noqotay meesha ninkii iswaalaba fariisiisa ( Xamar waa meeshii Siyad Barre ka cararay, maraykan ka cararay, Caydiid madaxa iyo caloosha looga toogtay markii uu iswaalay, Cali Mahdi gurigiisii duhur la biliqaystay, Xuseenna ku soo laaban la’ yahay, waa meel qofkasta faraha uga gubto). Waxay ahayd inuu aabiii badbaadiyo waayo waa la ogaa nin kasta oo xamar isku waal in waabiye helayo..

2) Inuu aabihii geeyo mental hospital ama psyciatric clinics. Xuseen waxaa uu ahaa nin yaqaan soona arkay sida loo xanaaneyo dadka waalan laakiin ku fiirsaday aabihii waalida – marka nin aabihii wax tari waayey yaa kaleoo uu wax tarayaa? Xuseen aabihii waa dayacay oo jiradii buu ku dhaafay asagoo lacag u heli karay oo uu ku daaweeyo.

3) Gobolka Bay marakii ay ku dhimanaayeen boqolaalka kun oo qof waxaaku faananaye inuu ka taliyo aabihii. Xuseen markii uu noqday madaxa USC waxay ahayd inuu marka u horeyso ciidankiisa ka soo qaado oo dadkaas u sameeyo maamul ay ayagu leeyihiin oo muujiyo inuu ka xun yahy ficilkii xumaa ee
aabihii ku sameeyay dadkaas cafisna u weydiiyo aabihii, xuseen taas ma samayn . Arrintaas waxay dhalisay in sanaawi dhibco ku qaato oo ka xoreeyo da
dkii uu xuseen ku amar ku taaglaynayay- nasiib darro dadkaasi maanta waxay aaminsan yihiin in amxaaro ka xoreysay xuseen asagaaana guushaas u keenay a
mxaaro!

4) In aan mardanbe lagu arag goobaha siyaasadda Soomaaliya waayo dadku markay arkaanba waxay soo xasuusanyaan dadkii uu dilay asaga iyo aabihiiba
iyo falalkii denbiyada aadamiga ee uu galay waxay ahayd inuu dhuunto ilaalaga iloobayo.

5) In markii odayaasha asaga shirqoolayey jagadii aabihii u dhiibayeenuu ku yiraahdo mahadsanidiin aniga faraha lama soo gelayo falalka xun xun iyo ma rabo in aan denbi ka galo dadkayga oo uu banaanka ka istaago ilaa uuwadanka dawlad iyo doorashooyin uu gaarayo waayo haaddii uu samayn lahaa waxay u badnaan lahaynd inuu doorasho ku soo bixi lahaa laakiin maanta fursad siyaasadeed ma leh.

Xuseen caydiid waxaa uu dagaal oogayaasha kale uga duwan yahay waa ka da’ yar yahay oo waxay ahayd inuu san u dhaqmin siday u dhaqmaan waayo maanta dhalinyarada Soomaaliyeed keligiisaa dembiile ka noqday. Markii uu dhaxlay aabihii oo uu noqday madaxa USC dhalin yarada soomaaliyeed meelkasta oo ay joogaan waa ay farxeen oo waxay isyiraahdeen maanta ayaa hogaanka gaariga uula wareegay wiil dhalin yar oo Soomaalida ka naxaya oo ka fayow qabiil oo garan kara danta guud hase yeeshee xuseen kama roonaan aabihii mana fahmin shirqoolkii loo dhigay.

Dhalinta Soomaaliyeed ee nabadda jecel ayaa niyad jabay markii wiilkii ugu horeeyay oo fursad hela waa xuseen caydiide uu ka fiicnaan waayay odayaashii jahliga ahaa oo qabiilka caabudayay. Xuseen waxaa uu muujiyay in dhalin yarada Soomaaliyeed naftigooda laga heli karo kuwa aan shacabka u nixin oo maan gaaban oo aanan keeni karin isbedel fiican. Xuseen waxaa uu denbi ka galay dhamaani dhalinta Soomaalida ee nabadda jecel iyo guud ahaan umadda
Soomaaliyeed waxaana uu noqon doonaa dagaal oogaha keliya oo lala xisaabtami doono waayo kuwa kale waqtigoodii waa dhamaaday waana odayaal asaguse weli waa nin da yar.

Xuseen caydiid waxaa la gudboon inuu dhamaan dhalinyarada Soomaaliyeed ee nabadda jecel ee uu u gefay cafis weydiisto qirtona qaladkiisa umaddana u s
heego in dhalinyrada Soomaaliyeed aanay wada xumayn ee fursad la siiyo. Dhalinyarada Soomaaliyeedna waxaa la gudboon in aanay ka wel welin ceebta uukeenay Xuseen ee ay u tartamaan maamulka dalka ee aanay sugin odayaasha inta ay ka dhimanyaan si ay u badbaadiyaa dalkooda iyo dadkooda. Mardanbe waa in aanay marti ka ahaan dalkooda!

Fiiro gaar ah: Fikradan qabiil kuma salaysna ee waxa ay ku salaysan tahay dhalinyaro iyo odyaasha warlordska ah iyo nasteexo.

Hasan Warankulule

warankulule@yahoo.com

Opinions expressed in this columns are those of the authors and not necessarily those of Radio Free Somalia
Qoraaladu waxay ka turjumayaan aragtida Qoraaga mana loo fasiran karo tan Radio Free Somalia