|
|
|
     |
|
|
Ku Simaha R/wasaaraha Oo Maanta Kormeeray Dekedda Muqdisho
JANUARY 12, 2012 (Radfiofreesomalia.com) - Ku simaha R/wasaaraha ahna wasiirka ganacsiga iyo warshadaha mudane C/wahaab Ugaas Xuseen Ugaas Khaliif ayaa maanta kormeer ku tagay dekedda Muqdisho. ku simaha R/wasaaraha ayaa waxa uu ku soo wareegay qeybaha ay ka koobantahay dekedda, isagoo u kuurgalayay xaladda dekedda iyo sida ay u socdaan howlaha dekedda. ku simaha ayaa gudaha dekedda kulan kula qaatay wasiirka dekedaha, wasiiru dowlaha Maaliyadda guddiga gaadiidleyda iyo maamulka dekedda wuxuuna intaa kadib saxaafadda kula hadlay gudaha dekedda, isagoo ku amaanay maamulka Dekedda iyo wasiirka dekedaha iyo gaadiidka dadaalka ballaaran ee ay muujiyeen waxa uuna hoosta ka xariiqay in ay guddi u magacaabeen wax ka qabashada cabashooyin dhawaanahan ka soo yeerayay guddiga gaadiidleyda. Dhanka kale ku simaha ayaa ugu baaqay ganacsatada in ay bixiyaan canshuuraha isagoo tilmaamay in aan la ogolaan doonin in ganacsatadu ay dhoofiyaan ama soo dejiyaan wax aysan dowladdu ogeyn wuxuuna ku boorriyay in ay Leysin qaataan. Dekedda weyn ee Muqdisho ayaa ka mid ah kaabayaasha dhaqaaluhu ka soo galo dowladda iyadoo dowladu ku guuleysatay hagaajinta maamulka iyo maareeynta dhaqaalaha ka soo xerooda dekedda waxaana xusid mudan in daqliga ka yimaada dekedda uu kor u kac xoog leh sameeyay sida ay xaqiijiyeen saraakiisha wasaaradda Maaliyadda.
Radiofreeomalia.com - Muqdisho
|
|
WARKII
MAANTA 
