Maxkammadda islamiga ah ee Ifka xalan oo maanta loo magacaabay masuuliyiin uu ka mid yahay Sh aadan Cayrow

Aug 3, 2005 Radio Free Somalia

Saaka abbarihii 9:00 subaxnimo ayaa xarunta maxkamadda Islamiga ah ee Ifka xalan ka dhacay kulan ay isugu yimaadeen culumaa’udiin,hoggaanka sare ee maxkamadaha islaamka gobalka Banadiri iyo qaar ka tirsan ganacsatada taageerta maxkamadaha islaamka ,halkaasoo lagu magacaabay masuuliyiin cusub oo ka mid noqonaya hoggaanka maxkammada Ifka xalan.

Masuuliyiintii xaggaa dinta ee kulankaa kasoo qeyb galay waxaa ka mid ahaa guddoomiyaha golaha sre ee maxkamadaha Islaamka gopbalka Bvanaadir Dr Sh Shariif Sh Axmed iyo guddoomiyaha gudddiga shuurada maxkamadda Ifka Xalan Colonel Sh Xasan Daahir Aweys .

Waxaa halkaa lagu magacaabay guddoomiye ku xigeen cusub oo maxkammaddaa ayyeelaneyso oo ah Sheekh Axmed Cabdi,iyadoo agaasimaha guud ee maxkammadda loo doortay Sh Cumar Maxamed Ciyow,halka Sh Aadan Xaashi Faarax isna loo doortay taliyaha guud ee ciidammada Maxkammadda.

Sh aadan Cayrow ayaa lagu badalay taliyihii hore ee ciidammada maxkamadda (Xersi Cabdi Cilmi xersi Lugey) oo bishii hore lagu dilay magaalada Muqdisho

Sidoo kale Sheekh Cabdi Cusmaan Faarax aya loo doortay talyaha xabsiga maxkammadda islaamiga ah ee Ifka Xalan.

Sheekh Xasan Daahir Aweys oo halkaa hadal gaaban ka jeediyay ayaa sheegay waajib in ay tahay xarigga Allaah in la qabsado oo laguna dhaqmo shareecadaislamka oo ah dastuurka Allaah uu so dejiyay.

Dr. Sheekh Shariif Sheekh Axmed guddoomiyaha golaha sare ee maxkamadaha islaamka ee gobalka Banaadir oo isna halkaa ka hadlay ayaa sheegay in dhaqangelinta ku dhaqanka shareecada islaamka ay tahay wajib ciddii aan qadana ay tahay in xoog lagu qaadsiiyo.

Editorial@radiofreesomalia.com