|
|
|
     |
|
|
Madaxweynaha Oo Xafiiska Ku Qaabilay Xoghayaha Arrimaha Dibedda Ingiriiska (SAWIRRO) February 2, 2012 (Radfiofreesomalia.com) - Madaxweynaha Jamhiiriyadda Soomaaliya Mudane Shariif Sh. Axmad ayaa maanta xafiiskiisa ku qaabilay wafdi ka socday dowlada Ingiriiska oo uu haggaaminayay xohayaha arimaha dibadda ee dowladda Birtain Wilyam Heyg (William Hague) oo Muqdisho maanta soo garay. Hoghayaha arimaha dibadda Ingiriiska ayaa kulanka kadib saxaafadda la hadlay ayaa sheegay in madaxweynuhu ka aqbalay ka qeybgalka shirka looga hadlayo Mustaqbalka Soomaaliya kaas oo ka dhici doona 24 ka bishan dalka Ingiriiska. Xighayaha arimaha dibadda Ingiriiska ayaa intaa ku daray in shirkaasi ay ka qeybgelidoonaan 50 dowladood iyo hey’addo caalami ah, waxaana looga hadlayaa ayuu yiri sidii Soomaalida looga caawin lahaa in ay dhistaan mustaqbal hagaagsan, isagoo tilmaamay in uu ku faraxsanyahay booqashada uu ku yimid Muqdisho iyo soo dhaweynta wanaagsan ee loo sameeyay. Madaxweye Sheekh Shariif ayaa waraaqihii aqoonsiga ka guddoomay safiirka cusub ee Dowladda Ingiriisku u soo magacawday Soomaaliya wuxuuna madaxweynuhu tilmaamay in arintani ay muujineyso sida dowladda Ingiriisku u daneyneeyso arrimaha Soomaaliya. Wilyam Heyg ayaa sidoo kale la kulmay ku simaha R/wasaaraha, ahna wasiirka gaashaandhigga Xuseen Carab Ciise. Imaanshaha wafdigan ayaa loo arkaa in uu gogol u yahay kulanka looga hadlayo Mustaqbalka Soomaaliya kaas oo ay dowladda Ingiriisku qabaneyso 24 ka bishan.
Radiofreeomalia.com - Muqdisho
|
|
WARKII
MAANTA 
