INSIDE RFS NEWS WARKII MAANTA

Turkiga oo tababaro caafimaad siinaya hawl wadeeno caafimaad oo Soomaali ah.

January 17, 2012 (Radfiofreesomalia.com) - Ururka caafimaadka caalamiga ah ee ESAFED kana jira wadanka Turkiga ayaa bilaabay tababarida hawl wadeeno caafimaad oo Soomaali ah kuwaasoo ka shaqeeya xarumaha caafimaadka Soomaaliya.

Xiriiriyaha hay’adda caafimaadka ESAFED ee Soomaaliya Cisa Sonmez ayaa u sheegay wakaalada wararka ee Antolia in lix dhaqtar oo Turkish ah hay’adoodana ka tirsan ay magaalada Muqdisho ka bilaabeen haylo ay ku tababarayaan kal kaaliyaal iyo hawl wadeeno caafimaad kuwasoo ay siinayaan casharo baratikaal ah.
Cisa Sonmez waxaa uu xusay in 4, tii bilood ee la soo dhaafay ay wadeen tababarida kal kaaliyaashaan caafimaad ee Soomaalida oo ay ku jiraan dhalinyaro wax ku soo baratay wadanka Sudan hase ahaatee aan wax baratikal ah helin ama aan shaqeyn.

Xiriiriyaha hay’adda caafimaadka ee Turkiga laga leeyahay waxaa uu tilmaamay inay sii wadayaan hawlaha ay ku gacan siinayaan jiilka cusub ee dhaqaatiirta Soomaalida waxaana uu intaa ku daray in hawshaan ay ku gacan siiyeen dhaqaatiir Soomaali ah oo Muqdisho jooga.

Sidoo kale mas’uulkaan waxaa uu balan qaaday inay dhawaan tababaro wadanka Turkiga ugu qaado doonaan ku dhawaad dhaqaatiir ah oo la soo bari doono cudurada maskaxda iyo neerfaha iyo sidoo kale tababaro kale oo la siin doono dhaqaatiir Sooomaali ah.

Dhinaca kale Turkliga ayaa kaalmo xoog leh la garab istaagay bulshada Soomaaliyeed ee ay mudada haysato dhibaatada ay ka dhaxleen amaan xumida dalka ka jirta.

Radiofreeomalia.com - Muqdisho