Dadweynaha Soomaaliyeed oo caradii ay USC u qabeen uga jawaabay doorashada C/ Yusuf (protest)

Oct,11.2004 Radio Free Somali (RFS)

Cabdilaahi Yusf looma dooran mudnaan ee waxay ahayd banaan bax(protest) lagu diidayo habdhaqankii madaxda USC

Hogaamiyeyaasha USC ayaa markii ay rideen dawladdii qaranka Soomaaliyeed laga waayey inay keenaan nidaam iyo dawlad haba xumaatee. Bal waxay dadkii ku soo kordhiyeen dil, dhac , kufsi iyo bililiqo iyo dagaal sokeeye oo dhaeeraaday. Muqdisho waxay noqotay meel isbaaro caadi ka tahay oo dadka la qafaasho oo aan wax xuquuqda soomaalida ilaaliyaa jirin. Meel aan sharci ka jirin oo noqotay ninkii xoog leh ha noolaado (wild). Meel caruurta rajadii ka dhamaatay dhallintuna ka qaxaan oo badaha adduunka ku dhamaadaan.

Inkastoo dadka reer muqdisho meelo fagaaro ah ka yiraahdeen waan u darsannay Siyaad Barre laakiin maanta waxay noqotay maalin taariikhi ah. Dadweynaha Soomaaliyeed waxaa u cadaatay in hogaamiyeyaashii USC aanay xaq u lahayn in la doorto waayo wax aan dhibaato iyo fowdo ahayn ma soo kordhin 14 kii sano. Waxaa kala oo dad weynaha u cadaatay inay ka gardarnaayeen Siyad Barre – xaqii baa dilaacay! Dharbaaxo ku dhacday madaxdii USC !

Xildhibaanada soomaaliyeed gaar ahaan kuwa ka soo jeeda Muqdisho waxaan idin leenahay mahadsanidiin, shukran, thank you, tag, ahsanta sana waxaad mudan tihiin in markasta la idinla tashado axaad i hiiliseen dadka dulman.

Xildhibaanada soomaaliyeed gaar ahaan kuwa ka yimid Muqdisho badankood waxay garteen in la soo gaaray xiligii beeraha dadka laga boobay, guryaha, iyo xuquuda dadkaba loo celin lahaa dadkii lahaa.

Reer muqdisho waxay muujiyeen farxad iyo rayn rayn mana dhici doonto in hadda ka dib xamar lagu faano anigaa kaa qori weyn iyo anigaa kaa qabiil fiican. Inkastoo Cabdilaahi uusan ahayn kan ugu mudan haddana ka fiican hogaamiyeyaashii USC oo aan hadafka lahayn marka laga reebo nacayb.

Dadweynaha Soomaaliyeed waa in ay ka shaqeeyaan sidii ay u hirgeli lahayd dawladdan xataa caasimaadd ku meel gaarka ah haddii laga dhigo Garowe.

Dadweynaha Soomaaliyeed Guul. Madaxda USC jab!

Hassan warankulule

warankulule@yahoo.com

Opinions expressed in this columns are those of the authors and not necessarily those of Radio Free Somalia
Qoraaladu waxay ka turjumayaan aragtida Qoraaga mana loo fasiran karo tan Radio Free Somalia

Muqaalka Som   Horn Afrik   STN